Текст песни
Ымыы чыычаах эн буолаҥҥын
Түүлбэр эрэ эн көстөҕүн
Саһарҕалаах сарсыардаҕа
Сүтэн хаалан хомотоҕун
Алыптаабыт күндүгүнэн
Күлүмүрдээн эрэ ааһаҕын
Хаһыс сылын сулус буолан
Мин халлааммар эн тыгаҕын
Сулус буолан тыкпыт сиргэр
Мин түүлбэр сандаардын
Саатар бүгүн сүппэт иэйии
Буолан илэ кэллэргин
Саһарҕалаах сарсыардаҕа
Эйиигин кытары
Дьоллоох буолан кыратык да
Мин үөрэн ылларбын
Олох устун айанныыбыт
Ханна тиийэр дьолу көрдөөн
Сыыдамнык да, сымсатык да
Аастар ааһар сыл түргэнник
Эйиигиттэн харда көрдөөн
Ыйытыахпын мин толлобун
Айар кэрэ бу иэйиини
Алҕас үргүтэн кэбиһиэм
Сулус буолан тыкпыт сиргэр
Мин түүлбэр сандаардын
Саатар бүгүн сүппэт иэйии
Буолан илэ кэллэргин
Саһарҕалаах сарсыардаҕа
Эйиигин кытары
Дьоллоох буолан кыратык да
Мин үөрэн ылларбын
