Христофор Саввинов Ытаама Official Audio

Ытаама дуу кыысчаан Хараҕыҥ уутунан суунума
Туоххаhыйбыт мѳссүѳҥҥүн суhуоххар кистээмэ
Хомойбут дьүhүнүҥ дууhабын аймыыр
Санньыарбыт хом санааҥ быстах былыттарын кууhума
Ааспыт аны эргийбэт бэйэҕин баалаама
Туораттан кѳрѳргѳ олуhун да курус

Ыйдаҥалаах түүнү бүрүйэр суhумнуур тоҥуй сулустар
Дьол кыымын саҕаннар уоскутар уоттара
Бу ырыам кистэлэҥ биhигэр курустук айманан иhиллэр
О кыысчаан санааҕа ылларыма ытаама

Хараҥарбыт халлааны ѳр да ѳр одуулаан кѳрѳҕүн
Сулус уотун күлүмэ дьолунан үѳрдүѳ диэн
Олуhун кэтиигин бу быстах түгэни
Санньыарбыт хатыҥҥар санааҕын аргыыйдык кэпсиигин
Баҕардар истиэҕэ диэн эрэнэ саныыгын
Ол аайы сэбирдэх күhүннүүн ытыыгын