Христофор Саввинов Ырыабын аныыбын Official Audio

Хас ааһар күннүүн уста турар
Хатыламмат хаарыан кэмнэр
Түгэн уутун сүүрээнинэн
Тохтообокко күрэнэллэр

Оо ол күндү да күнүм
Олох тиһигин дуорааннара
Оо, күн бүгүҥҥү үөрүүм
Ырыата буолан ылланыаҕа

Илиибин уунабын күҥҥэ талаһан
Сылааһын иҥэрэн сүрэхпэр тутан
Ырыабын ыллыыбын эһиэхэ анаан
Сырдыгы саҕар дьолунан сайан

Тыыннаах айылҕаны уһугуннарар
Үүнэр күммүт сарсыардатын
Аан дойду кэрэтин биһиктиир
Түүҥҥү сулустаах халлааны