Текст песни
Ресторан. Фонтан. Шампаан.
Күһүҥҥү хараҥа халлаан.
Эн сылаас илиигин уунан
Сиэтэҕин чалбаҕы тумуннаран,
Уонна үөрэбит туохтан эрэ кыраттан,
Бэт дуона суохтан,
Кыл саҕаттан
Тутуллартан.
Ардаабыт Дьокуускай күһүҥҥү киэһэтэ
Ураты эбит чараас иэйиитэ,
Ону ситэммит хаамсабыт асфалынан
Хобулук тыаһыгар дугуна уйдаран,
Уонна үөрэбит туохтан эрэ кыраттан,
Бэт дуона суохтан,
Кыл саҕаттан
Тутуллартан.
Хаамсыахха бу күһүн эмиэ,
Барыахха бу киэһэ иккиэн
Кэпсэтэ-кэпсэтэ ырааттар ыраатан
Күһүҥҥү сылаас хараҥа халлаанынан
Уонна үөрүөххэ туохтан эрэ кыраттан,
Бэт дуона суохтан,
Кыл саҕаттан
Тутуллартан.
