Chingis Анай-Хаак Prod by Chingis

Даӊгаар эртен хөглүг салгын
Ажык шөлче далажыр
Дамырактыӊ эриин каастаан
Анай-хаактар саглаш дээр
Уян-чассыг таалалга
Угаан-бодал туттурар
Часкы сеткил тевиин алган
Чалыы чүрек шимирт дээр

Аткан даӊга уткуй үнүп
Анай-хаакты болчап кааш
Ырак-узак оран кезип
Ынак черден үнер мен
Изим чуруп эртер оруум
Амыр эвес, берге бол
Изиг чүрээм ханызындан
Анай-хаагым ыравас

Өскен черим анай-хаагы
Өөрүшкүмнүӊ оду сен
Эргимимге ынакшылым
Эгезин сен салган сен
Часкы шагныӊ хүлүмзүрүү
Чалыы үем чажыды
Анай-хаагым, анай-хаагым
Аксым кежиин үлежиил