Текст песни
Ада-чурттан уктап адаан
''Ада'' деп сөс чоргааранчыг
Адап ханмас магаданчыг,
Адаарга-даа хүндүткелдиг
Олар дээрге эреспейлер,
Олут орбас кежээппейлер
Одун салыр, суун суглаар
Оглу, кызын айтып сургаар
Ажы-төлдү бодарадыр
Аваларга дузалажыр,
Ада-чурттун камгалажыр,
Аал-кодан карактажыр
Арбын малды доруктурар,
Арат-чонга демин кадар,
Адаан, мөөрей ону шылгаар
Аъды эртер, ады алгаар
Өгбелерниң чагаан чагыы,
Өөредиин сагып чоруур,
Өгнүң быжыг баганазы,
Өндүр кижи - АДА ол-дур
Ажыл-ишчи, үлегерлиг,
Алган эшке чөлеңгииштиг,
Ажык, биче сеткил-хөөннүг,
Алыс сергек, баштак-хөглүг
