Текст песни
ДУРУЯАЛАР
Чаакталып доңа берген хөлдүң суунга
Сагыш хандыр сегередир шаптаныпкаш,
Чалгыннарын херип-херип, дуруяалар
Шала эртен байырлашкаш ужуптулар
''Чазын катап эглип кээр мен, мана!'' дээнзиг,
Чаңгыландыр эдип-эдип, төрээн черин
Чаңгыс катап дээскингештиң, чоруй барды
Чааскаанзырап, холум чайып артып калдым
Ээн хову туманынга азып-тенип,
Элээн-не үр тунук үнү ээргииштелди
Эртенги хүн херелинге эргеленип,
Эстип баткаш, эрээн черже сиңе берди
Чанган куштар чазын дедир эглип келир,
Чалыы үе катап келбес хомуданчыг
