Фольклорный ансамбль башкирской песни "Карлугас" Тирәккәйем

Тирәк тирәккәйем дә
Һаҡмарҙа-тирәккәйем;
Зифа буйлы тирәк кеүек
Үҫкәнһең гүзәлкәйем.

Тирәк-тирәккәйем дә
Һаҡмарҙа-тирәккәйем;
Ағым һыуға ҡаршы йөҙмә,
Талыр бит беләккәйең.

Тирәк тирәккәйем дә
Һаҡмарҙа -тирәккәйем;
Минең йөрәккәйем яна,
Янамы йөрәккәйең?

Тирәк-тирәк, тирәк-тирәк,
Тирәк (Һаҡмарҙа)-тирәккәйем;
Тирәгеңдә ҡошатар һайрай
Һағындым бәғеркәйем.