Текст песни
Йӧратенам!
Кеч тые шижын отыл
Чонем вошт лекше кумылем.
Коклан ыштен ончалме шотым,
Серлагенат. Мый умылем.
Йӧратенам!
Тылат кеч весе кӱлын.
Кеч, ойлыметла, мый улам тыран.
Туге гынат чонем вученак йӱлыш,
Кас ӱжарала йӧрыш йытыран.
Йӧратенам!
Мылам тыге пӱралтын:
Пиалым вес еҥ деч арен,
Ик жап гыч тудым йомдарен,
Кораҥ каяш, чыла монден!
Йӧратенам!
Тылат кеч весе кӱлын.
Кеч, ойлыметла, мый улам тыран.
Туге гынат чонем вученак йӱлыш,
Кас ӱжарала йӧрыш йытыран.
