Текст песни
Пыл мундыражым товаҥдале,
Шавалтыш лумжым мланде вак.
Ош теле розам чот ӧндале
Йӱдвел гыч толмо корнешак.
Тул гае роза, кӱш нӧлталын,
Укшлажым лишке чумырен.
Пеледыш вуйжым почылдалын,
Вараш пеледе чеверген.
Поран шиялтыш дене шӱшкыш,
Келшаш пеш тӧчыш розалан.
Мурсем ден чиктыш ош ужгажым,
Оҥ помыш нале ик жаплан.
Тул гае роза, кӱш нӧлталын,
Укшлажым лишке чумырен.
Пеледыш вуйжым почылдалын,
Вараш пеледе чеверген.
А теле помышто ал роза
Кеҥежын сынжым сӱретлен.
Кончен омешыже лай шошо,
Шупшалме тамжым шарналтен!
Тул гае роза, кӱш нӧлталын,
Укшлажым лишке чумырен.
Пеледыш вуйжым почылдалын,
Вараш пеледе чеверген.
