Текст песни
Тек лий кеч рвезе, але ӱдыр,
Шижмаш шочеш яндар шӱмеш.
Йӧратымаш - кавасе шӱдыр,
Волгалт кая гын - курымеш.
Семтаҥ:
"Йӧратымем" манаш ит вожыл,
Ит колышт еҥым - тек ойлат.
Шижмаш чонеш колтен гын вожым,
Тӱняште пиалан улат.
Тек жап вашка, шотла ийготым,
А рвезе пагытна эртен.
Йӧратымашым кертна коктын
Шӱм-чоныштына арален.
"Йӧратымем" манаш ит вожыл,
Ит колышт еҥым - тек ойлат.
Шижмаш чонеш колтен гын вожым,
Тӱняште пиалан улат.
Тый лий кеч самырык, я шоҥго,
Ийготым ок ончал шижмаш.
Йӧратымашын лӱмжӧ йоҥго,
Лий волгыдо, йӧратымаш!
"Йӧратымем" манаш ом вожыл,
Ом колышт еҥым - тек ойлат.
Шижмаш чонеш колтен гын вожым,
Тӱняште пиалан улам!
