Аверсэв Паданне пра заснаванне Менска

На сутоках Пярэспы і Свіслачы, якраз там, дзе цяпер Камсамольскае возера, некалі даўно пасяліўся вядзьмак-волат Мянеск і пабудаваў з каменю вялікі вадзяны млын на сем колаў.
Самога Мянеска ніхто ўжо не памятае, аднак жа апавядаюць пра яго самыя незвычайныя і нават чароўныя гісторыі. Нібыта малоў ён муку на сваім млыне не з жыта, як усе людзі, а з камення. І нібыта начамі чуліся з млына нейкія дзіўныя крыкі,
галёканне, песні, музыка і скокі. Цёмнымі начамі Мянеск сядаў верхам на млын і ехаў па селішчах збіраць самых смелых і дужых людзей у сваю дружыну. Дружыннікі сяліліся
каля млына разам са сваімі сем’ямі, і паступова на гэтым месцы вырас цэлы горад.
А назвалі яго імем волата – Менск.