Текст песни
Карактырың, хере көргеш эскер даан
Кайыын, кайнаар, канчаар бар чыдар-дыр
Кайгамчыктыг, чуртталга деп далайга
Карбап чадаш олчаан дүштүң халак
Карактырың, хере көргеш эскер даан
Кайыын, кайнаар, канчаар бар чыдар-дыр
Эриктерже баар орук ам көзүлбес
Эртер чуртталганың төнчүзү ам билдинмес
Чамдык улус хлеб садар акша тыпайн турда
Чамдык улус Ленкрузер 200 мунган
Чаңгыс чуртталганың деңзизин деңнээр болза
Чажынчыг арыннары сөөлүнде көстүр
ТТТ, ССС, ЕКХ деп-ле
Чараш уругларны хептээр деп-ле
777, 555, 444 деп-ле
Чежеге дээр мынчаар чурттаар бис ам
Культура-культура деп меңээ чугаалава
Куду көргеш кудумчуннуң погунче көр
Куурарган бажыңнарлыг шак бо хоорайда
Кускун дойлаан дег бомужтар көвей-дир
Бир кижи доскаардан чем тып турда
Пиццаның чаагай эвезин деп орар сен
Тоткан ыт ээзинче ээрер дээр чораан
Тоткан оол тотаа-биле ойнаар дээр чораан
Карактырың, хере көргеш эскер даан
Кайыын, кайнаар, канчаар бар чыдар-дыр
Кайгамчыктыг, чуртталга деп далайга
Карбап чадаш олчаан душтун халак
Карактырың, хере көргеш эскер даан
Кайыын, кайнаар, канчаар бар чыдар-дыр
Эриктерже баар орук ам көзүлбес
Эртер чуртталганың төнчүзү ам билдинмес
Оон бээр ам хөй-ле чылдар эрткен
Оолдар, кыстар шагда өзүп келген
Бодалдарда машина, кредит, бажың
Боладыр-ла, а сен чүү деп бодадың
Мага бодуң шагда өзүп келген-даа болза
Магалыг чаш угааның хевээр арткан-дыр
Банкыларның кредиттерин төлеп чадап чорааш
Бараскан бооп олчаан артын халак
Аваң сеңээ телефон садып экеп бээрге
Айфондан экел дээниң сактыр сен бе
4 үнерге 5, 5 үнерге 6 деп-ле
Төнчүзү чок кузелдерниң кулу болбайн көрем
Орук кыдыында бок болуп артар сен бе
Орай дүне чыраан чараш сылдыс болур сен бе
Бодангаштың бодун шилип ал даан
Борбак бааш эгинде чүге салдынган
