Ефим Авелов Чугас доҕорум

Сып – сылаас мичээргинэн
Эдэр уол сүрэҕин уулларан
Кэрэ да сыһыаҥҥынан
Сүрэхпэр таптал уотун уматан
Билигин утары тураҕын
Ол эрэн билбэккин санаабын эн
Истэҕин бу ырыам тылларын
Оргууйдук мин диэки мичээрдии көрөҕүн

Эмискэ олохпор киирэҥҥин
Мин чуумпу дьылҕабын аймаатыҥ
Бу аҕыйах да кэм иһигэр эн миэхэ
Олус чугас буоллуҥ
Сүрэхпин дьолунан толорон
Тулабар сырдык уоту уматан
Эн кэллиҥ миэхэҕэ доҕоруом
Мин чуумпу тулабын уйгурдаан

Үөрэхпэр тиийэбин долгуйа
Эйигин доҕорбун көрсөөрү
Аҕыйах кэмҥэ алтыһан
Тапталым аттыгар буолаары
Эн харахтаргар умсаары
Дьолум кыымын онтон булаары
Эн кэрэ мөссүөҥҥүн көрөөрү
Ахтылҕан уотун хаҥнараары.