Евгений Каменщиков, Вера Каменщикова Изи пием ит опталте...

Изи пием ит опталты
Уремыште коштшым от пытары
Ой йолташем ит кудалте
Тӱняште моторым от пытары


Изарня манаш кӧ луктын да
Кугарня манаш кӧ луктын
Кугу Регеж качыжым да
Йорга манаш кӧ луктын


Тумы пӱгӧ чоткыдо пӱгӧ
Кичкен лекташ вий кӱлеш
Регеж марий койшан марий
Илен мошташ уш кӱлеш


Индеш ниян огыл гын йындалжымат ом чий
Кум йыр огыл гын йолжым ом пид
Таҥлан огыл гын шергашыжым ом пу
Ешлан огыл гын таҥжым ом кучо


Ик вуемлан ик тоҥедыж
Кузе йӱдшым эртаршаш
Кӱчык ӱмыремлан шӱдыколы ойгы
Кузе ӱмырем эртаршаш


Эр ӱжара койыдегызе
Чевер кече огеш лек
Изи чонем йӱлыдегызе
Шиньчавӱдем огеш лек


Йӱржат йӱржы лумжат лумжы
Шинчын кодшо ковыштамат мыйын уке
Йӱдшат эртыже кечыжат эртыжы
Вучен илше йолташемат мыйын уке