Текст песни
Хобдох холбоспотун, хох хонмотун,
Хомолто хоонньоһордуу, холумтанмар холонмотун,
Хос хоргутуу хороонуттан хоройботун,
Хоодуот хотуурбун, Хомпоруун Хотойбун,
Хоспохтон хомоҕой хоһоонноох хоппобун, холкутук хоротобун, хорсун холорукпун,
Хоһуун хоһуйуу хомуһунун хоторобун,
Сахабын, ол аата - Чулуубун, Улуубун!
Аламайбыт, Үрдүк Тапталбыт,
Айыыларбыт, Ийэ сир айылҕабыт,
Маннык манньытар мааны манньаны маны манна,
Аар Аҕабыт алҕаабыт, Айыыһытпыт аҕалбыт,
Айаххын сап, үһүс хараххын арый,
Бу эйгэлиин силбэһэн барсыый аргыый,
Санааларгын хаалларыый, хатаастымарыый,
Налыйыый, ылыныый, намылый, тыый барытын ыытыый,
Айгыр Силик Айылҕаҕар, Айбыт Аҕаҕар,
Сүрэххин арыйыый, түүлтэн тахсыый,
Соргу - дугуй, уруй - тускул, бэйэҕин бул, ыйан кул, Сахалыы толкуйу тобул....
Алаҕаркаан аламай айылгым аргыый аҕай арыллан,
Умсулҕаннаах уйулҕам улам-улам уһуктан истин,
Улаатан ситтин, илбиһим, иччим, эһиэхэйбин иҥэрдим...
Арылхай арыылаах алгыс, Аар Айыым алтыс,
Аргы дьааты самнар, Саргы - дьаалы салҕан...
Дьиҥ көнө суолу тэлэн, Күн киһитэ килбэйэн,
Күүс - өһүө, төһүү буол дьоҥҥор - сэргэҕэр эн...
Сис силиһим ис силиитин силбэспит силгэтин,Силигилии сиппит илгэтин ситимин ситэрэбин, Сиилиири, силлиири, сиири сирэбин, Сэниири, сэриини, сэҥээрбэппин сэллэҥниири...
Уун - утары уун дуу, бу илии өрө,
Кэскили, эйэни, или эрэ!!!
Уун - утары уун дуу, бу илии өрө,
Кэскили, эйэни, или эрэ!!!
Нохоо, кубулуй номоххо,
Олоҥхо олоххо кубулуй номоххо,
Нохоо, кубулуй номоххо,
Олоҥхо олоххо кубулуй номоххо нохоо...
