Андрей Латышев, Валерий Данилов Дорообо мин дойдум аартыга

Дорообо мин дойдум аартыга
Дьөһөгөй бэлиэлээх сэргэтэ
Ахтылҕан ырыалаах эйиэхэ
Дабайан таҕыстым сэгэйэ
Илгийдэ оҕо саас салгына
Көрүстэ Элгээним эбэтэ
Иннибэр Кыыллааҕым уоттара
Оһохпут унаарар буруота

Дорообо мин дойдум барахсан
Кэллим мин ыраахтан бу ахтан
Аартыккар бу тахсан турабын
Эргиччи сонурҕуу көрөбүн
Бу сэргэҥ буоругар үктэнэн
Олус диэн уйаннык долгуйан
Таммахтар сүүрэллэр иэдэспэр
Бу тыллар сүрэхтэн тахсаллар

Оҕо саас бу күндү уйата
Туората көрүмэ уолчааҥҥын
Сып-сылаас сиккиэрим илгиэрэ
Эргийэ кууһууй дуу уолчааҥҥын
Алы гын күөх арыым барахсан
Өр кэмҥэ кэтэспит ыччаккын
Ыраахтан кини да ахтара
Ырыатын матыыбар көстөрө

Уктэнэн турабын эн буоргар
Дьеьегей бэлиэлээх сэргэ5эр
Куех арыым илгийэр сиккиэрин
Дуоьуйа ыймахтыы тыынабын
Эйиэхэ ырыабын аныыбын
Сурэхтэн бу тахсар тылларбын
Ахтыбыт ус кутум кыымнарын
Оо дойдум эйиэхэ аныыбын