Текст песни
Ой, гуляла мая доля
Невядома дзе
Па яловым цёмным лесе
Па ліхой вадзе
Ўсё хадзіла, ды блудзіла
Па чужых краях
Я ж не ведала, не знала
Што яна мая
Захацела доля шчасця, любага няма
Захацела доля ў лета, а вакол зіма
Як саспела тое лета, ўкрасавалася
Доля ў промнiк месяцовы закахалася
Ой, выбягала позна-рана, краскай на расу
Русы косы заплятала, ды ў адну касу
Зачапілася гулёна, за пракос траву
Захмялілi пахi лета
Сэрца й галаву
Ой, гуляла мая доля
Невядома дзе
Па яловым цёмным лесе
Па ліхой вадзе
А мне доля наказала жыць ды не тужыць
І журавушкай ў небе лёгкаю кружыць
