Текст песни
Жаш элек шайыр шаттанган
Алыска сапар аттанган
Кыймылдап поезд баратса
Кылгырып көздөн жаш тамган
Кыймылдап поезд баратса
Кылгырып көздөн жаш тамган
Толкунун жиреп абанын
Учуна жетпей санаанын
Убара болуп кылчактап
Артымды улам карадым
Убара болуп кылчактап
Артымды улам карадым
Караган менен көрүнбөйт
Капкайда калды карааның
Элестейт бирок сүйкүмдүү
Жароокер жалжал жамалың
Элестейт бирок сүйкүмдүү
Жароокер жалжал жамалың
Бир букет гүлдү сунарда
Күйүттүү күчкө капталгам
Саламат эсен баргын деп
Узатып калдың вокзалдан
Саламат эсен баргын деп
Узатып калдың вокзалдан
Жөнөдүм Нарын калаага
Ынагым сенсиң садага
Жүзүмдөй бышкан мөлтүрөп
Жүзүңдөн жаным садага
Жүзүмдөй бышкан мөлтүрөп
Жүзүңдөн жаным садага
Ойлосом болот көңүл шат
Жолуксак деймин кайра бат
Театр ачып жатканда
Нарындан жазган салам кат
Нарындан жазган салам кат
