Текст песни
Рэчанька
1.
Не выходзь ты, рэчанька, з беражкоў крутых,
Не тапі мне сцежачак, сцежак залатых.
Тут з купальскіх кветачкак я вянкі віла
І пускала рэчанькай, беражком ішла.
Закружыла голаў мне быстрая вада.
Падышоў каханы мой і руку падаў.
Не выходзь ты, рэчанька, з беражкоў крутых,
Не тапі мне сцежачак, сцежак залатых.
Прыпеў:
Ой, жуда-бяда, ой, як шуміць вада...
А дзе ж буду, дзе ж я карагод вадзіць?..
А дзе ж буду, рэчанька мая, любага чакаць, вяночкі віць?..
2.
Тут гуляла з мілым я да світальных зор.
З iм ў снах аблётала ўвесь зямны прастор.
Ды нядоўга шчасцейка зоркай ззяла мне,
За гарой згубілася ў горкім палыне.
Паляцеў каханы мой ў далёкі свет.
Засталіся сцежачкі незабыўны след.
Не выходзь ты, рэчанька, з беражкоў крутых,
Не тапі мне сцежачак, сцежак залатых...
Прыпеў:
3.
Не выходзь ты, рэчанька, з беражкоў крутых,
Не тапі мне сцежачак, сцежак залатых.
Тут з купальскіх кветачках я вянкі віла
І пускала рэчанькай, беражком ішла.
Прыпеў:
