Текст песни
Борхон нүдтэй бүсгүйг буцаж харихаас өмнө
Бороонд норсон сэвлэгий нь наранд хатахаас өмнө
Нууранд чуулсан ангирийг холоо нисэхээс өмнө
Нулимстай нүдээ арчсаар сайхан нутагтаа очихсон
Араг үүрсэн ээжийгээ халуунд цангахаас өмнө
Адуунд эртэй аавыгаа тамхилж суухаас өмнө
Уртын дууны шуранхайд айраг исэхээс өмнө
Унаган багын нутагтаа дуугаа дуулсаар очихсон
Толгод гоёсон цэцэгсээ шарлаж гандахаас өмнө
Тогоруут нуурын зэгсээ бөхийж хийсэхээс өмнө
Тоонотын хүрэн бууцаа арилаж хуучирхаас өмнө
Тодхон зүүдэнд уяатай нутагтаа би очихсон
Дэнж хотойсон наадмын дээлийг гандахаас өмнө
Дэрсхэн хонгор бүсгүйн алчуур хийсхээс өмнө
Дэврүүн сэтгэлээ өвөртлөн хатиран хатиран хатируулсаар
Дэндүү дассан чамайгаа бодон бодсоор санан санасаар очино доо
