Александр Судаков Молитва Манассии Prod. by Sudakov.life

Господи Вседержителю
Боже отец наших
Авраамов и Исааков
И Иаковов
И семене их праведнаго

Сотворивый небо и землю
Со всею лепотою их

Связавый море
Словом заповеди Твоея

Затворивый бездну
И запечатлевый страшным
И славным именем Твоим

Егоже вся боятся
И трепещут от лица силы Твоея

Нестерпимо же славы величества Твоего
И неодержимо ярости
Прещения Твоего на грешники

Безмерно и неизследимо
Милосердие обетования Твоего

Ты бо еси Господь Вышний
Благоутробен
Долготерпелив
И многомилостив

И каешися о злобах человеческих

Ты бо, Господи
По множеству благости Твоея
Обещал еси покаяние
И оставление согрешившим Тебе

И множеством щедрот Твоих
Определил еси покаяние грешником
Во спасение

Ты убо, Господи
Иже еси Боже праведных
Не положил еси покаяния
Праведным
Аврааму
И Исааку
И Иакову
Не согрешившим Тебе

Но положил еси мне
Грешному
Покаяние

Яко согреших паче числа песка морскаго

Умножишася беззакония моя
Господи
Умножишася беззакония моя

И несмь достоин
Воззрети и видети
Высоту небесную
От множества неправд моих

Связан есмь многими узами железными
Яко да не могу возвести главы моея
От грехов моих

Ниже имам покоя
Яко прогневах Тя
И лукавое пред Тобою сотворих

Не сотворив волю Твою
Ни сохраних заповедей Твоих

Ныне убо преклоняю
Колена сердца моего

Просяще Тебе благости

Согреших, Господи
Согреших

И беззакония моя аз познах

Но прошу
Моляся Тебе

Ослаби мя, Господи
Ослаби мя

И не погуби мя
Со беззакониями моими

Ниже во веки прогневайся
Помянути злая ми

Ниже осуди мя
В преисподняя земли

Яко Ты еси Бог
Бог кающихся

И на мне покажи
Всю благость Твою

Яко недостойнаго спасеши мя
По мнозей милости Твоей

И восхвалю Тя выну
Во вся дни живота моего

Яко Тя поет вся сила небесная
И Твоя есть слава
Во веки веков

Аминь