Текст песни
Господи, Да не яростию Твоею обличиши мене
Ниже гневом Твоим накажеши мене
Яко стрелы Твоя унзоша во мне
И утвердил еси на мне руку Твою
Несть исцеления в плоти моей
От лица гнева Твоего
Несть мира в костех моих
От лица грех моих
Яко беззакония моя превзыдоша главу мою
Яко бремя тяжкое отяготеша на мне
Возсмердеша и согниша раны моя
От лица безумия моего
Пострадах и слякохся до конца
Весь день сетуя хождах
Яко лядвия моя наполнишася поруганий
И несть исцеления в плоти моей
Озлоблен бых и смирихся до зела
Рыках от воздыхания сердца моего
Господи
Перед Тобою все желание мое
И воздыхание мое от Тебе не сокрыся
Сердце мое смятеся
Остави мя сила моя
И свет очию моею
И той несть со мною
Друзи мои и искреннии мои
Противу мене приближишася
И сташа
И ближнии мои отдалече мене сташа
И нуждахуся ищущии душу мою
И ищущии злая мне глаголаху суетная
И льстивая во вся дни поучахуся
Аз же яко глух не слышах
И яко безгласен не отверзаяй уст своих
И бых яко человек
Не слышай
И не имый во устех своих обличения
Яко на Тя, Господи
Уповах
Ты услышиши
Господи Боже мой
Яко рех
Да не когда порадуются ми врази мои
И внегда подвижатися ногам моим
На мя велеречеваша
Яко аз на раны готов
И болезнь моя предо мною есть выну
Яко беззаконие мое аз возвещу
И попекуся о грехе моем
Врази же мои живут
И укрепишася паче мене
И умножишася ненавидящии мя без правды
Воздающии ми злая
Возблагая оболгаху мя
Зане гонях благостыню
Не остави мене
Господи Боже мой
Не отступи от мене
Вонми в помощь мою
Господи спасения моего
Комментировать