Текст песни
Дэ хьэгъуэлыгъуэм дыщызхуэзащ
Уи псалъэ IэфIхэр си гум къинащ
Уи нэ дэхитIым сыдихьэхащ
Нэкъуэлэн зэ слъагъужыну пIэрэ, уей?
Сыдихьэхащи, уее-ей!
Нэкъуэлэн, зэ слъагъужыну пIэрэ, уей?
УсIэщIахынкIэ сэ сагъэшынэ
Уи пшынэ макъыми сэ сыщIодэIу
СедаIуэ пэтми зыщызмыгъэнщI
Нэкъуэлэн зэ слъагъужыну пIэрэ уей?
ЗыщызгъэнщIакъым, уее-ей! Нэкъуэлэн, зэ слъагъужыну пIэрэ, уей?
Фи уэрамышхуэр кIуапIэ схуэхъуащ
Узмылъагъуфурэ нэху къыстещхьащ
Мо нэхущ вагъуэм уи фэ есплъащ,
Нэкъуэлэн, зэ слъагъужыну пIэрэ, уей?
Си нэхущ вагъуэ, уее-ей!
Нэкъуэлэн, зэ слъагъужыну пIэрэ, уей?
Мы си ныбжьэгъухэм ауан сыкъащI
СщIэнур сымыщIэу сыкъэбгъэнащ
Уи нэ къуэлэнхэр сигум къэкIащ
Нэкъуэлэн, зэ слъагъужыну пIэрэ, уей?
Сигу укъэкIащи, уее-ей!
Нэкъуэлэн, зэ слъагъужыну пIэрэ, уей?
ЦIыхур ерыщмэ, сыт IэщIэкIын?
Лъагъуныгъэр пэжмэ, хэт пэлъэщын?
Гухэлъ пхуэсщIащи, си дахэкIей
Нэкъуэлэн, зэ слъагъужыну пIэрэ, уей?
Гухэлъ пхуэсщIащи, уее-ей!
Нэкъуэлэн, зэ слъагъужыну пIэрэ, уей?
Комментировать