Оюна Будаева ИНАГНИ, ХААНАБШИ? Где ты, любимый?

Ханилмаар гансахан нүхэрни
Хаанахан ши мүнөө ябанабши?
Хараад намайе таняа һааш
Халуун дурыем абаа һааш
Тэнгэриин мүшэн болохолби
Толорон хэзээш байхалби!

ҮЕлмөөр урихан инагни
ҮНихэн хаахануур төөришөөбши?
Уулзаад нэгэтэ байлгаа һааш
Ухаан бодолоо найдаа һааш
Заяанайш шэмэг болохолби
Замайшни гэрэл байхалби !

Дурыем буляамаар нүхэрни
Дуудажа намайе бэдэрнэ гүш?
Таажа зүнгөөрөө олоо һааш
Танин мэдэжэ золгоо һааш
Жаргалайш эхин болохолби
Дуранайш үлгы байхалби!!!