Дьякон Федор, Хор сестёр Свято-Елисаветинского монастыря, Молитвослов православного христианина Казанская

О Пречистая Владычице Богородице
Царице небеси и земли, вышшая Ангел и Архангел
Чистая Дево Марие, миру благая помощнице
И всем людем утверждение
И во всяких нуждах избавление!

Призри и ныне, Госпоже Всемилостивая, на рабы Твоя
Тебе умиленною душею и сокрушенным сердцем молящияся
Со слезами к Тебе припадающия
И помощи и заступления Твоего просящия
О Всемилостивая и Премилосердая Дево!

Ты еси заступница и предстательница наша
Обидимым защищение, скорбящим радование
Сирым прибежище, вдовам хранительница
Плачущим веселие, больным посещение
Грешным спасение!

К Тебе прибегаем, на Твой пречистый образ взирающе
Умиленное пение Тебе приносим и вопием
Помилуй нас, Мати Божия, и прошение наше исполни
Вся бо суть возможна ходатайству Твоему

Яко Тебе слава подобает
Ныне и присно и во веки веков
Аминь