Дьякон Федор, Хор сестёр Свято-Елисаветинского монастыря, Молитвослов православного христианина Феодоровская

К кому воззову, Владычице, к кому прибегну в печали моей
К кому принесу слезы и воздыхания моя, аще не к Тебе
Царице Небеси и земли
Кто исторгнет мя от тины грехов и беззаконий
Аще не Ты, о Мати Живота, Заступнице и Прибежище

Услыши стенание мое, утеши мя и помилуй в горести моей
Защити в бедах и напастях, избави от озлоблений и скорбей
От враг видимых и невидимых
Умири вражду стужающих мне
Да избавлен буду от клеветы и злобы человеческия

Укрый мя под сению милости Твоея
Да обрящу покой и радость и от грехов очищение
Твоему Матернему заступлению себе вручаю
Буди мне Мати и надеждо, покров и помощь
Радость и утешение, и скорая во всем Помощнице

О чудная Владычице! Всяк притекает к Тебе
Без Твоея всесильныя помощи не отходит
Избавлен буду от внезапныя и лютыя смерти
Небесное же Царствие получити сподоблюся
И Тебе во умилении сердца реку

Радуйся, Мати Божия
Предстательница и Заступница наша усердная
Во веки веков
Аминь