Дьякон Федор, Хор сестёр Свято-Елисаветинского монастыря, Молитвослов православного христианина Умиление

Приими, всеблагомощная, Пречистая Госпоже Владычице
Сия честные дары, Тебе единей прикладныя
От всех родов избранная
Всех тварей небесных и земных высшая явльшаяся
Понеже Тебе ради бысть Господь Сил с нами

Тобою Сына Божия познахом
И сподобихомся святаго Тела Его и пречистыя Крове Его
Темже блаженна еси в родех родов, Богоблаженная
Херувимов светлейши и Серафимов честнейши сущая

И ныне, всепетая Пресвятая Богородице
Не престай молящися о нас, недостойных рабех Твоих
Еже избавитися нам от всякаго совета лукаваго
И сохранитися нам неврежденным
От всякаго ядовитаго прилога диавольскаго

Но даже до конца молитвами Твоими
Неосужденных нас соблюди
Яко да Твоим заступлением и помощию спасаеми
Славу, хвалу и благодарение возсылаем

В Троице Единому Богу и всех Создателю
Ныне и присно, и во веки веков
Аминь