Дьякон Федор, Хор сестёр Свято-Елисаветинского монастыря, Молитвослов православного христианина Скоропослушница

Преблагословенная Владычице, Приснодево Богородице
Бога Слова паче всякаго слова на спасение наше рождшая
Благодать Его преизобильно паче всех приявшая
Море явльшаяся Божественных дарований
И чудес приснотекущая река

Молимся Тебе, всещедрей Матери человеколюбиваго Владыки
Удиви на нас пребогатыя милости Твоя
И прошения наша, приносимая Тебе, Скоропослушнице
Ускори исполнити все, еже на пользу
Во утешение и спасение коемуждо устрояющи

Посети, Преблагая, рабы Твоя благодатию Твоей
Подаждь недугующим цельбу и совершенное здравие
Обуреваемым тишину, плененным свободу
И различными образы страждущих утеши
Матерним Твоим дерзновением отвращающи гнев Божий

Душевнаго разслабления и грехопадений свободи рабы Твоя
Яко да непреткновенно во всяком благочестии поживше
И в будущем вечных благ сподобимся
Благодатию и человеколюбием Сына Твоего и Бога

Емуже подобает всякая слава, честь и поклонение
Со Безначальным Его Отцем и Пресвятым Духом
Ныне и присно и во веки веков
Аминь