Текст песни
Ый тыгар уотугар көстөр
Бастакы билсибит күммүт,
Хап хара хараххар сулус
Дьиримнии үҥкүүлүүр түүнэ.
Хаһан да уостубат тапталы
Биллим диэн сүрэх тэппитэ,
Билигин аттыбар чуумпура
Күлүгүм төҥкөйөн түһэр...
Соҕотох дууһабын сылыта
Ый кэлэр сулустуун сиэттиһэн
Күлүктүүн үҥкүүлүү куустуһан
Санаабын биир кэмҥэ сымната...
Сорох түүн эргийэн кэлэр
Сылааһын илиибэр биллэ,
Салгыммыт минньийэр сыта
Тулабын кууһа толоро...
Сүрэҕин тэбэр тыаһыныы
Сорох түүн ардахтыын ыллыыр,
Күлүктээх ыйдаҥа сырсан
Бастакы тапталбын ыһа умата...
