Большой Митрополичий Хор Духовенства Ростовской-на-Дону Епархии С нами Бог

С на́ми бог разуме́йте язы́цы и покаря́йтеся: я́ко с на́ми бог
Услы́шите до после́дних земли́: я́ко с на́ми бог
Могу́щии покаря́йтеся: я́ко с на́ми бог
А́ще бо па́ки возмо́жете и па́ки побежде́ни бу́дете: я́ко с на́ми бог
И и́же а́ще сове́т совещава́ете разори́т госпо́дь: я́ко с на́ми бог
Стра́ха же ва́шего не убои́мся нижé смути́мся: я́ко с на́ми бог
Го́спода же бо́га на́шего того́ освяти́м и той бу́дет нам в страх: я́ко с на́ми бог
И а́ще на него́ наде́яся бу́ду бу́дет мне во освяще́ние: я́ко с на́ми бог
И упова́я бу́ду на него́ и спасу́ся им: я́ко с на́ми бог
Я́ко отроча́ роди́ся нам сын и даде́ся нам: я́ко с на́ми бог
Его́же нача́льство бысть на ра́ме его́: я́ко с на́ми бог
И ми́ра его́ несть преде́ла: я́ко с на́ми бог
И нарица́ется и́мя его́ вели́ка сове́та а́нгел: я́ко с на́ми бог
Чу́ден сове́тник: я́ко с на́ми бог
Бог кре́пок власти́тель нача́льник ми́ра: я́ко с на́ми бог
Оте́ц бу́дущаго ве́ка: я́ко с на́ми бог
С нами бог