Дьякон Федор, Православные Молитвы Молитва Силуану Афонскому

О предивный угодниче Божий, отче Силуане!
По благодати, тебе от Бога данной
Слезно молитися о всей вселенней — мертвых, живых и грядущих
Не премолчи за нас ко Господу, к тебе усердно припадающих
Подвигни на молитву Усердную Заступницу, Преблагословенную Богородицу

Испроси у святых святейшего Слова святей горе Афонской
И боголюбивым пустынножителем ея от всех бед сохранитися
Да Духом Святым в вере и братолюбии укрепляеми
До скончания века о Единей Церкви молитвы творят
И всем спасительный путь указуют

Народом земли всей испроси благоденственное житие
Дух смиренномудрия и братолюбия, дух страха Божия
Да святится имя Божие, да будет воля Его святая в человецех
И да воцарится мир и Царствие Божие на земли

Земному Отечеству твоему — земли Российстей испроси
Вожделенный мир и небесное благословение
Во еже омофором Матере Божия покрываему
Избавитися ему от всех враг видимых и невидимых
И в любви Божией неоскудеваему утвердитися

Нам же всем, во тьму грехов погружаемым
Испроси у Всещедраго Бога нашего, да благодатию посетит души наша
Уныние и нерадение в сердцах наших да упразднит
Да в человеколюбии и правде Божией утвердимся
И сынолюбне Тому приближимся

Ему же от всех земных и небесных да будет слава
Со Безначальным Его Отцем и Животворящим Его Духом
Ныне и присно и во веки веков
Аминь