Дьякон Федор, Балагуры, Светлые молитвы Святителю Митрофану, Воронежскому чудотворцу

Святителю отче Митрофане
Нетлением честных мощей твоих и многими благодеяньми
Чудесно содеянными и содеваемыми тобою
Уверившеся, яко имаши велию благодать у Господа Бога нашего
Всесмиренно припадаем вси и молимся тебе

Моли о нас Христа Бога нашего, да низпослет богатыя милости Своя
Да утвердит во Святей Своей Православной Церкви
Живый дух правыя веры и благочестия, дух ведения и любве
Дух мира и радости о Духе Святе
Да вси члены ея духом и истиною покланяются Ему

Пастырем ея да даст святую ревность попечения о людях
Да неверующих просветят, неведущих наставят
Сомневающихся вразумят, отпадших обратят
Грешных подвигнут к покаянию, кающихся утешат
И тако всех введут в уготованное вечное Царство

Ей, святителю Божий, да устроиши молитвами твоими
Вся благая душам и телесем нашим
Да и мы прославим в душах и телесех наших
Господа и Бога нашего Иисуса Христа

Емуже со Отцем и Святым Духом
Слава и держава во веки веков
Аминь