Текст песни
О священная главо, преподобне и богоносне отче наш Сергие
Молитвою твоею, и верою и любовию, яже к Богу
Чистотою сердца во обитель Пресвятыя Троицы душу твою устроивый
Ангельскаго общения и Пресвятыя Богородицы посещения сподобивыйся
От нас духом любве твоея не отступивый
Велие имея дерзновение ко Всемилостивому Владыце
Моли спасти рабы Его, к тебе с любовию притекающия
Испроси нам от Великодаровитаго Бога нашего всякий дар
Веры непорочны соблюдение, градов наших утверждение
Мира умирение, от глада и пагубы избавление
Скорбящим утешение, недугующим исцеление
Падшим возставление, заблуждающим на путь истины возвращение
Подвизающимся укрепление, благоделающим благословение
Младенцем воспитание, юным наставление
Сиротам и вдовицам заступление
Сподоби в день Страшнаго Суда шуия части избавитися
Десныя же страны общники быти
И блаженный оный глас Владыки Христа услышати
Приидите, благословеннии Отца Моего
Наследуйте уготованное вам Царствие от сложения мира
Аминь
