Текст песни
О святая всеблаженная мати Ксение!
Под кровом Всевышняго жившая, ведомая Богоматерию
Голод и жажду, холод и зной, поношения претерпевшая
Дар прозорливости и чудотворения от Бога прияла еси
И под сению Всемогущего покоишися
Ныне Святая Церковь, яко благоуханный цвет, прославляет тя
Предстояще пред образом твоим святым, яко живей ти, молимся
Приими прошения наша и принеси их ко Престолу Отца Небеснаго
Испроси притекающим к тебе вечное спасение
И на благая дела наша щедрое благословение
Помози, святая мати Ксение, младенцы светом Крещения озарити
Отроки в вере, честности и целомудрии воспитати
Болящия и недугующия исцели
Семейным любовь и согласие низпосли
Народ и страну нашу в мире сохрани
Пастыри в крепости духа утверди
Монашествующим подвигом добрым подвизатися удостой
О лишенных в предсмертный час причащения Тайн умоли
Ты наша надежда и упование, скорое услышание и избавление
Тебе благодарение возсылаем и с тобою славим
Отца и Сына и Святаго Духа
Ныне и присно и во веки веков
Аминь
