Дьякон Федор, Балагуры, Светлые молитвы Благоверному князю Петру и княгине Февронии, Муромским чудотворцам

О велиции угодницы Божии и предивнии чудотворцы
Благовернии княже Петре и княгине Февроние
Града Мурома предстателие и хранителе
И о всех нас усерднии ко Господу молитвенницы!
К вам прибегаем и вам с упованием крепким молимся

Вознесите о нас святыя молитвы ваша ко Господу Богу
И испросите у благости Его вся благопотребная нам:
Веру праву, надежду благу, любовь нелицемерну
Благочестие непоколебимо, в добрых делех преуспеяние
Мира умирение и душам спасение

Исходатайствуйте у Царя Небеснаго Церкви Святей
И всей державе Российстей мир, тишину и благоустроение
И всем нам житие благополучное
И добрую христианскую кончину
Оградите Отечество ваше от всякаго зла

Осените благодатным действом молитв ваших
Всех к вам приходящих и мощем вашим поклоняющихся
И вся прошения их во благо исполните
Будите о нас приснии предстателие ко Господу
И сподобите нас спасение вечное улучити

Да славословим неизреченное человеколюбие
Отца и Сына и Святаго Духа
В Троице покланяемаго Бога
Во веки веков. Аминь