Текст песни
Бурандар артта ҡалды
Саҡыра тыуған яҡтар
Яҙ моңона теҙелеп
Ҡайталар бары ҡоштар
Бер аҡҡош икеләнә
Ҡайтыр яҡҡа сығырға
Төҙәлмәҫ яра төшкән
Йән-йәре ҡанатына
Сың-сың итеп тыуған яҡҡа
Бөтөн ҡоштар ҡайттылар
Сит ер ҡосағына ғына ҡалды
Ҡайта алмаҫ аҡҡоштар
Бер күккә менә лә төшә
Китә алмай ҡалдырып
Тыуған яҡта моң ағыла
Үҙәккәйен яндырып
Йәре ҡайтһын тиеп илгә
Үтенә зәғиф аҡҡош
Айыралмам ереңдән- тип
Йәнен бирә зифа ҡош
Түҙә алмай һағышына
Аҡҡош күккә атылды
Бар тиҙлеге менән килеп
Күл боҙона ватылды!
Сың-сың итеп тыуған яҡҡа
Бөтөн ҡоштар ҡайттылар
Сит ер ҡосағына ғына ҡалды
Ҡайта алмаҫ аҡҡоштар
