Текст песни
Дзе губляецца прастор
Непаўторны краявід
Цёплы вечар, свежы стог
Можна спаць і на зямлі
Можна чуйна ў цішы
Не вачыма, а душой
Бачыць тых, хто колісь жыў
Тых, каго няма ўжо
Заблукалі мае думкі, як у хвалях зорачкі
Пакідаю на малюнках сцежкі свае, тропачкі
І лячу ў захапленні, бо навокал - хараство
Мне нічога не патрэбна, толькі адчуваць прастор
Разгараецца ўсход
У празрыстай вышыні
Гасне зорак карагод
Непаўторны краявід
Далягляд ва ўсе бакі
Поўны гоманам істот
Бачу я цябе такім
Прагну я цябе, прастор
Заблукалі мае думкі, як у хвалях зорачкі
Пакідаю на малюнках сцежкі свае, тропачкі
І лячу ў захапленні, бо навокал - хараство
Мне нічога не патрэбна, толькі адчуваць прастор