Текст песни
Таптыыбын айылҕам уһуктар кэрэтин
Күөх сайын сибэкки көбүөрүн тиспитин
Хатыҥым суһуоҕун суугунуу ыспытын
Көлүччэм уутугар күлүгүн көрбүтүн
Таптыыбын айылҕам уһуктар кэрэтин
Күөрэгэй дьырылыыр алыптаах ырыатын
Сайыным сиэдэрэй симэнэр симэҕин
Силигин ситэрэ чэлгийэр кэмнэрин
Чуумпуга иһийбит нуһараҥ киэһэбин
Уоскулаҥ кистэммит бу үрүҥ түүннэрбин
Сарсыарда саһарҕа сандаара кыыһарын
Сиик көтөн тумарык сыһылла сыылларын
Айылҕам уһуктар дьэргэлгэн кустугун
Арчылыыр алҕанар харысхал түгэнин
Илгэлээх күүтүүлээх курулас ардаҕын
Чэлгийэ көҕөрөр мүөт сыттаах салгынын
