Текст песни
Era de maggio
Era de maggio e te cadeano 'nzino
A schiocche a schiocche, li ccerase rosse
Fresca era ll'aria e tutto lu ciardino
Addurava de rrose a ciento passe
Era de maggio io, no, nun mme ne scordo
'Na canzona cantavamo ma ddoje vvoce!
Cchiù tiempo passa e cchiù mme n'allicordo
Fresca era ll'aria e la canzona doce
E diceva Core, core!
Core mio, luntano vaje!
Tu me lasse, io conto ll'ore
Chi sà quanno turnarraje!
Rispunnev'io Turnarraggio
Quanno tornano li rrose
Si 'stu sciore torna a maggio
Pur' a maggio io stongo ccà!
Si 'stu sciore torna a maggio
Pur' a maggio io stongo ccà!
E sò turnato e mò, comm'a 'na vota
Cantammo 'nzieme la canzona antica
Passa lu tiempo e lu munno s'avota
Ma 'ammore vero, no, nun vota viche!
De te, bellezza mia, mm'annammuraje
Si t'allicuorde, 'nnanz'a la funtana
Ll'acqua, llà dinto, nun se secca maje
E ferita d'ammore nun se sana!
E te dico Core, core!
Core mio, turnato io sò!
Torna maggio e torna 'ammore
Fa' de me chello che vuò!
Torna maggio e torna 'ammore
Fa' de me chello che vuò!
