Текст песни
Поро тукым йÿлам
Шÿмыштемак нумалам
Каласен акрет марий
Чоныштет – сандалык вий
Шарне тый кеч-куштат
Патыр тукым гыч улат
Чулым, пеҥгыде тый лий
Вет вÿрет тыйын – марий
Марий!
Марий!
Марий!
Шымата мемнам Кава
Поро Мланде-авана
Пеҥгыдын шога марий
Арала пÿртÿсын вий
Тек кÿслен йомартле сем
Сотыш лукшо калыкем
Кажныж дек шуэш мут сий
Вет чонна мемнан – марий
Марий!
Марий!
Марий!
Элна - марий
Чонна - марий
Кугезе сугынь – тиде илыш вий
Йоҥга лÿмет
Виян улмет
Пала сандалык - Тый улат марий!
Марий!
Марий!
Марий!
