Текст песни
Сахам Сирин сайына
Ааһар кэмин аһыйа
Көс көтөрүн сайыһа
Турабын туоххаһыйа
Дьыл биир кэрэ арыта
Көмүс күһүн хаһыҥа
Чэбдик сөрүүн салгына
Миигин кытта алтыһар
Куоппуту харыһыйа
Кэннигин хайыһыма
Сипсийбэхтиир сапсына
Сайылыгым хатыҥа
Иһиирбэхтии чыскыйар
Тыала хаары ытыйан
Күнүн аайы тымныйан
Кэлиэ дойдум кыһына
Саха күүтэр сааскыта
Ыалдьыттыаҕа налыйан
Харалдьыгы батыһар
Ньургуһуна наскыйан
Күн уотунан сылытан
Эмиэ үүнүө бэс ыйа
Күөх халлаанныын ыллаһа
Сардааналыын сыллаһа
Бэрт сэргэхтик дыгыйан
Өтөр үөрдүө от ыйа
Өҥүрүк куйааһынан
Сөтүөтүгэр ыҥыра
Сүүрэр кэммит быһыйа
Төннүө дьахтар сайына
Өлгөм сирин аһынан
Манньалыаҕа астына
