Текст песни
Ерікті елім,
Көрікті елім
Атымды қойыпты Алдар деп.
Жігіт боп өсе,
Жібермес есе,
Өзгеше өз жолын таңдар деп.
Жігіт боп өсе,
Болдым мен көсе,
Сондықтан, мен Алдар көсемін,
Қиналған жанға
Көмегім алда,
Барам да, табанда шешемін.
Қайырмасы:
Мен Алдармын, Алдармын,
Тура жолды таңдармын.
Керегі жоқ паңдардың,
Жылуы жоқ жандардың.
Адалдарды аңдармын,
Арамдарды алдармын.
Емеспін алдар,
Жанымды жалдар,
Алдар деп қойғанмен атымды.
Көрсетіп демеу,
Күлкіге бөлеу,
Мұңайған кездері халқымды.
Қайырмасы (2 рет).
Елімде ерке
Әнімді шерте,
Күлетін жерінде күлемін.
Таңдармен бірге,
Алдармен бірге
Жасайды мәңгілік елім.
Қайырмасы.
