Текст песни
Жалау боп жаныма,
Дейсің сен налыма.
Күрессіз кім жеткен,
Өмірде бағына.
Ағатай, ардағым,
Алыбым, заңғарым.
Дем бердің, қолдадың -
Биікке самғадым.
Жасай бер, жан аға,
Тәңірден сұрадым.
Алға озсаң бағалар,
Сүрінсең тағалар.
Мұқалмас серт семсер,
Қайыспас қара нар.
Саяңда тұрағым,
Жол сілтер шырағым.
Кісілік көгінде,
Қалықта, қыраным!
Жасай бер, жан аға,
Тәңірден сұрадым.
Әділдік ұраның,
Тектілік тұмарың.
Жан сырын жақынның,
Айтқызбай ұғарым.
Сейілткен кезің көп,
Көңілдің тұманын.
Тұлғаңды аша алмас,
Менің бұл бір әнім.
Жасай бер, жан аға,
Тәңірден сұрадым.
