Adilet Zhaugashar, Жандос Қаржаубай, Мәлік Жамбылұлы, Алмасхан Насыров Біздің достық

Біздің достық сатылмайды,
Жайсаң жандар жақындайды.
Ел шетіне жау тигенде,
Бір-бір тұлпар тақымдайды!
Біздің достық ешкімде жоқ,
Дос қадірін кеш білген жоқ!
Исатай мен Махамбеттің,
Достықтары ескірген жоқ!
Көтерер ел барда,
Ел сүйер ер барда.
Шалқыған көл барда,
Көгорай бел барда.
Басынбас бізді ешкім,
Менімен сен барда,
Сенімен мен барда!
Біздің достық жалғасады,
Қос аяғын тең басады.
Біздің достық біз кеткен соң,
Балаларға алмасады!
Алдымызда жарық тұрар,
Демеу берер халық тұрар.
Біздің достық шалыс бассақ,
Алланы еске салып тұрар!