Текст песни
Көмүстээх сүүрүгү көрөн дуоһуйан
Сир Айыы оҕото мунчааран туруоҕа
Тыаллаах кытыллаах хотуттан илгийэр
Киэҥ эбэм Алдан нухарыйан ылыа
Дьиибэргээн дьикти биир долгун биэрэккэ
Чугаһаан кэлэн эргийэн барыаҕа
Ол көөчүктэнэ оонньуур кыыс оҕо
Ып ыраас ууга сөтүөлүү киириэҕэ
Былыттар устаннар кэлэн сынньанан
Сырдык ньуур үрдүгэр көччүйэн ааһаллар
Тула айылҕа сүгүрүйэн ылыа
Аатырбыт эбэм ырыата иһиллиэ
Алдан саргылаах сайын
Алдан чуумпу кытыл
Алдан Сахабыт сирэ
Алдан мин үйэм Алдан
