Текст песни
Алтанхан намарнай айлшалан буугаад
Аглагхан нютагыем шэмэглээд һайхан
Аляахан зүрхэнэйм сохидол түргэдөөд
Айдархан гансатаяа уулзахада һайхан
Дуулимхан үдэшын һалхинай амин
Дулаахан һэбшээгээр намайе эльбээ
Дурлаһан гансым дуранай хүсэн
Дуулан һэмээхэнээр зүрхыем жэгнээ
Дурланаб шамдаа инагни дурланаб
Дуранайнгаа мэдэрэл бэлэглэн баринаб
Дууданаб шамаяа нүхэрни дууданаб
Дуунайнгаа дээжые зорюулан дууланаб
Шарьяахан горхоной түргэн урасхал
Шэхэндэм шэбэнэн хүсэеэ нэмээ
Нартайхан шамдаа дурланаб нэнгэн
Налгайхан зангыеш дахинаа сэгнэн
Дурланаб шамдаа инагни дурланаб
Дуранайнгаа мэдэрэл бэлэглэн баринаб
Дууданаб шамаяа нүхэрни дууданаб
Дуунайнгаа дээжые зорюулан дууланаб
Уужамхан нютагайм уянга хүгжэм
Үерлөөд дурым бадараана ехээр
Ушарһан шиниим этигэhэн зурхэн
Үнэтэ сэдьхэлым хүлгөөнэ шэнээр
Дурланаб шамдаа инагни дурланаб
Дуранайнгаа мэдэрэл бэлэглэн баринаб
Дууданаб шамаяа нүхэрни дууданаб
Дуунайнгаа дээжые зорюулан дууланаб
