Күнсұлу Түрікпен Мен сені күтіп өтемін

Мен сені күтіп өтем...
Аспаннан ай ауғанша,
Аппақ таң оянғанша,
Көкжиек кеңістігі
Қызылға боялғанша.
Мен сені күтіп өтем,
Түссем де отқа канша,
Тынысым тоқтағанша.
Сағаты ғұмырымның
Жүрегім соқпағанша.
Мен сені күтіп өтем..
Мейлі мың күзім келсе,
Елесің ізімде ерсе,
Сөнгенше соңғы үмітім,
Соңғы дем үзілгенше.
Мен сені күте берем...
Жаныма жылу берші,
Жүрекке тыным берші.
Тек кана өтінерім -
Ажалдан бұрын келші...