Текст песни
Чаныхэр зыгъэпхъапхъэу, лIыхъухэр зыушъхьакIу гущэри зиIапшъа,
Зичэтэ Iапшъэхэр Лъэпшъэу тикъаными фефызы.
А ищэмрэ ибзэмрэ Аущэджы къаны гущэми Iэ делъэ,
Шыухэр зэдилъымэ, лъэрытемытэуи къынэсы.
О маисэр къырихмэ, ора пыим ыкIыIу гущэри игъогуи,
Ижъыгум зихьэкIэ, ныбэджэ хабзэуи зеплъахьы.
Ари нэкIэ зытеплъэрэр, ора Джэман-Щэрыкъы гущэми Iэк1экIрэп,
Пыим кIэкIыемэ зы псэуи хэлъыри Iуегъэзы.
О ХэгъакIымэ япщэуи, ора пщы Кьамболэты гущэри ныбджэгъуи,
Ныбджэгъум итхьакIэ пщы Къамболэтыми сегъапцIи.
О губгъошхом ипцIанэм а пщы Къамболэты гущэми сырещэ,
СыкъырищэкIызэ Хъыу кIэтыкуми сыдещэ.
Ори сапэкIэ сыплъэмэ, зятэ сыукIыгъэ гущэри сэлъэгъу,
Къэзгъэзэжьынти, ныбжьырэ хъоными сышIолIы,
А лIыукIы купыр о сисэмэгубгъу гущэкIэ къеушъы,
Садэушъынти, хымэ алашэри силъэхъуи.
Ор садэлъэхъунти ора Джэман-Щэрыкъы гущэри Iэгъуаджи,
Садэджэгунти чъыры чэтэшхори згомылъи.
Ори щэхэр тырапхъэмэ, о иашъо гъуапэ гущэри имэIуи,
Мыр къезышIагъэми шъэогъум итхьахэр ерэуи.
Айдэмыркъан
Къэбэртэе лIыхъужъ цIэрыIоу Айдэмыркъан я XVI-рэ лIэшIэгъум щыIагъэкIэ алъытэ. Пщыжъ мэхъаджэу жъалымагъэ зезыхьэрэмэ гъогу аримытэу зэрапэуцужьыщтыгъэм къыхэкIыкIэ, Айдэмыркъан илIыукI пщымэ зэхалъхьи, пщы Къамболэтым ар тхьагъэпцIыгъэкIэ шъоф нэкIым раригъащи щаригъэукIыгъ.
