Ренат Саляхутдинов Туктатасым килә

Вакытларны туктатасым килә
Туктатасым килә беразга
Син калгансың ялгыз аргы якта
Мин калганмын торып бу ярда


Туктатасым килә минутларны
Сагышларын салып суларга
Кайтып булса әгәр яшьлегемә
Кайтыр идем кабат шул ярга

Уйларымнан күңелем бушар иде
Коенасым килә назларда
Сагышлардан җаным бушар иде
Бушар иде бәлки беразга


Туктатасым килә вакытларны
Азга гына бары, бик азга
Синен белән кабат җитәкләшеп
Кайтыр идем бары бер язга

Болыннарда кабат гөлләр җиле
Назлап үтте үбеп ирнемнән
Язларныңа кабат чакыр мине
Ярат әле кочып иңемнән